Қазіргі таңда, әсіресе терминологияларды реттеу мен стандарттауды өзекті әрі қажетті етіп көрсететін шарттардың бірі – бұл технология мен өндіріс, жоспарлау, бақылау салаларындағы ақпараттық үдерістерді автоматтандыру мәселесі. Өйткені, терминдер құрылымы мен олардың дефиницияларын стандарттау мен біріздендіру, реттеу IT технологияларында типтік құжатнамалардың өңделуін қамтамасыз етеді. Ал бұл, өз кезегінде, ғылыми-техникалық үдемені ілгері дамыту жолындағы экономиканы қарқындатуға байланысты қазіргі жағдайымызда аса маңызға ие болып келеді.