Терминдер арнаулы тілдің мағыналық өзегін құрап, негізгі мазмұнды ақпаратты білдіреді. Қазіргі таңда, әлемде ғылыми-техникалық білімдердің қарқынды дамуы нәтижесінде пайда болған жаңа аталымдардың 90 пайызынан көбі арнаулы сөздер, яғни терминдер болып табылады. Жалпы статситикалық көрсеткіштер бойынша әрбір 25 жыл ішінде жаңа пәндердің пайда болуы екі есе артып отырады екен. Бұл дегеніміз – кейде терминологиялардың стихиялық түрде жасалымына жол беріледі. Сол себепті де, мамандар тарапынан бүкіл терминологиялық қорларды реттеу күрделі мәселесі көтеріледі және алдыңғы қатарға нормативтілік секілді маңызды аспект қойылады.